VISITA DE LEDICIA COSTAS.

Hoxe o alumnado de 5º e 6º tivo un encontro moi agradable coa escritora Ledicia Costas. Tras ler moitos dos seus libros coma Escarlatina, Esmeraldina, A señorita Bubble ou os Arquivos segredos "acribillárona" a preguntas e tiveron tempo de falar de inventoras, curiosidades e algún que outro cotilleo dos ilustradores. Ademais quedou coa man un pouco cansa tras asinarlle a todos/as os seus libros. Un pracer Ledicia compartir contigo este momento e agradecerte a túa segunda visita ao Lamas e esperemos que non sexa a derradeira.

AUDIO DO 8º PROGRAMA "VOCES DE COMPOSTELA" (Alumnado de 1º)

Nova entrega do programa "Voces de Compostela". Esta semana foron os nenos e nenas de 1º falando de cabaleiros, escudos e armas da época. 

"CHIRLO MERLO NA FIGUEIRA" POLO ALUMNADO DE 2ºB

Hoxe, co gallo do Día Mundial da Poesía, o alumnado de 2ºB achegouse durante o recreo á biblioteca e interpretounos o libro de Darío Xohán Cabana e Xan Balboa "Chirlo Merlo na figueira" da Ed. Sotelo Blanco. Tamén pasaron polos cursos de Infantil para que escoitaron esta historia recitada.

PRESENTACIÓN "MULLERES GALEGAS"

Hoxe, durante o recreo, a alumna de 5º Carla Munín, fixo unha presentación sobre Mulleres Galegas que destacaron en distintos ámbitos como Rosalía de Castro, Concepción Arenal, Maruja Mallo ou as mestras Elisa e Marcela. Unha actividade que preparou ela co gallo do Día da Muller. Moitas grazas por compartir con nós toda esta información e esperemos que non sexa a última Carla.

AUDIO DO 7º PROGRAMA "VOCES DE COMPOSTELA" (Alumnado de Infantil)

Un novo capítulo do programa "Voces de Compostela", nesta ocasión tocáballe ao alumnado de Infantil, que entre nervios e emocións fixeron o que puideron lembrando o traballado o curso pasado sobre Santiago na época Medieval. 

AUDIO DO 6º PROGRAMA "VOCES DE COMPOSTELA" (Alumnado de 6º)

Aquí tedes un novo capítulo do programa "Voces de Compostela", onde se aborda o traballado polo alumnado do centro o curso pasado en torno a Santiago no Medievo. 
Nesta ocasión a quenda era para o alumnado de 6º que falaron da historia e tradición das cantigas e  dos trovadores. 

CON ROSALÍA DE NOVO

Hoxe durante o recreo, Carla, Claudia e Ania de 5ºB presentaron un traballo sobre a vida e obra de Rosalía de Castro así como o recitado dalgúns dos seus poemas.

Convidaron a todo o cole e como non cabía máis lente, despois durante a hora de ler, fixeror outro pase para os peques de Infantil no Salón de usos múltiples.

Moitas grazas rapazas polo voso traballo!!
Foi todo un éxito.