BO NADAL!

OS COLABORADORES DO 1º TRIMESTRE REMATAN A SÚA LABOR

Parece que foi onte cando comezaban o seu traballo e lles facíamos entrega do tríptico coas súas obrigacións coa biblioteca de Abadiño, e xa pasou todo un trimestre de traballo. En agradecemento quixemos facerlles entrega dun diploma no que se recoñece a súa labor.
Moitas grazas a todos!!

SESIÓN CONTACONTOS PARA INFANTIL

Esta semana os peques de Infantil tiveron a sorte de disfrutar duns contacontos moi especiais, as alumnas e alumnos en prácticas do CIF Compostela, que está ao carón do noso centro.
Trouxeron fermosas historias do máis variadas: A qué sabe a lúa?, Cocorico, A toupiña que quería saber quen lle fixera aquilo na cabeza...
Disfrutámolo todos a tope e con moitas gañas de que volvan pronto a facernos outra visita.
Moitas grazas!

AGORA SI... CON TODOS VÓS: OS PELELLIÑOSSS!!!

O 1º Ciclo de Educación Primaria, dentro do seu proxecto de Animación á Lectura “LER, UN BO XEITO DE APRENDER”, presenta “Os pelelliños chegan á escola” (inspirados nas personaxes do ilustrador Anxo Fariña).

Grazas á colaboración das familias, neste momento medio cento de pelelliños confeccionados con todo tipo de materiais adobían o noso corredor motivándonos a seguir traballando.

Seguirán chegando…
Ánimo!!!
“A lectura e a vosa imaxinación axudan á educación”

Open publication - Free publishing - More exposicion

CADERNOS DAS MOCHILAS VIAXEIRAS PRIMARIA

Aquí tedes unha presentación coas fotos das páxinas dos cadernos das mochilas viaxeiras.
Moitas grazas polas vosas aportacións e alegrámonos moito que sigades disfrutando coas lecturas que levades para as vosas casas.
Boas lecturas e ata a próxima entrega!

Open publication - Free publishing - More cadernos

LECTURAS PARA TRABALLAR NAS AULAS O 25 NOVEMBRO

Na biblio estarán expostos esta semana unha serie de lecturas coas que poderedes traballar nos ciclos o tema da violencia de xénero.

Títulos como:

Non souberon a labor que facía a súa nai ata que ela decidiu un día que xa estaba farta:- Sodes uns porcos!

Un día Billy foi vestido á escola cun vestido rosa, nese momento foi consciente das diferencias, de cómo son tratadas as nenas só polo feito de ser nenas.

Si, unha combinación perfecta. Cómic+heroína cociñeira= ??
Colleo e o descubrirás

Unha guía moi ilustrativa, para chicas e non só chicas, que nos conta moi clariño os roles que chicas e chicos deben asumir non teñen porque ser diferentes.

Estos dous últimos, uns clásicos reeditados por Kalandraka, maravillosos, un exemplo de cómo cunha historia sinxela podemos traballar a coeducación nas aulas.

25 NOVEMBRO. DÍA INTERNACIONAL CONTRA A VIOLENCIA DE XÉNERO

Hoxe conmemórase o Día Internacional contra a violencia de xénero. Dende o Concello propuxeron aos centros escolares participar nunha actividade para traballar nas aulas estos días. No noso cole era para o 3º ciclo, os nen@s tiveron unha charla e fixeron as súas siluetas, cun lado branco onde escribian as reflexións positivas e outro negro onde puxeron as negativas.
A idea era xuntar todas as siluetas dos rapaces de tódolos centros e colocalas na praza do Obradoiro facendo un gran mural.
Aquí tedes algunha foto do proceso e do resultado final.


Actividade 25 novembro on PhotoPeach

O COLE ESTÁ CHEO DE...

Pois si, a nosa entrada estase convertindo nun refuxio duns amiguiños de Abadiño, que non son outros que os Pelelliños.
Tedes que estar moi pero que moi atentos porque moi pronto veredes como está quedando de bonito o cole.
Pero polo momento só un pequeno avance.

MÁIS VALE TARDE QUE NUNCA...

Pois si si, foron unhas semanas máis tarde que as dos maiores, pero por fin xa están listas as novas mochilas dos rapaces de Infantil.

Hoxe tocoulle o turno a cinco pequen@s e moi prontito disfrutaredes o resto delas.
Para comezar mirade as súas cariñas, o din todo verdade?

BOLETÍN NOVIDADES OUTUBRO

Dende este mes, tentaremos publicar mensualmente un boletín que repartiremos polas aulas e que colgaremos no blog, mostrando así as últimas adquisicións da nosa biblio.

Esperamos que vos gusten!!

Open publication - Free publishing - More biblioteca .

OBRADOIRO DE LECTURA: HISTORIAS DE MEDOOOO...

Despois de algún que outro atraso, onte por fin tivemos o noso primeiro obradoiro de lecturas compartidas deste curso.

Aproveitando a data do Samaín, quixemos que foran historias de medo. Cada mestre escolleu unha lectura e un espacio. Elaboraron os carteis que anunciaban a mesma, e os rapaces tiveron que anotarse no listado pegado ao carón do cartel.

O venres despois do recreo, cada un foi para o lugar escollido e alí só quedou abrir ben as orellas e gozar dun momento terroríficoooo!!

FORMANDO USUARIOS DENDE 3 ANOS

Esta semana foi o noso turno! Por fin, xa o estabamos desexando.

Abadiño envionos unha carta á nosa clase convidándonos á súa casa, a biblio.
Quería contarnos moitas cousas, o que alí podemos atopar, facer...tiña moitas actividades e xogos preparados e fixémolos na nova pizarra dixital e a través do seu blog.

Mirade, mirade o ben que nos portamos.
Ah, e xa temos o noso carné de biblioteca! Qué maiores! Agora xa podemos levar todas as fins de semana un libro da biblio para compartir coas nosas familias.
Velaí o noso primeiro día marchando para casa coas bolsiñas cargadas de historias!!

Formación usuarios 3 anos - presentacion imagenes

OS DE 3 ANOS ADÉNTRANSE NA BIBLIO NO SAMAÍN

O día de Samaín, os peques de 3 anos aproveitaron a nova zona da que dispoñemos na biblio coa pizarra dixital, para disfrutar cun fermoso conto "Indo para o Samaín", unha adaptación do orixinal de Carlos e Sabela Labraña.

Estiveron ben quietiño e atentos, case sen pestanexar e, como recompensa disfrutaron logo dun divertido xogo de crear as súas propias cabazas.
Algunhas quedaron verdadeiramente terroríficaaasss!!

O SAMAÍN NA BIBLIO

Estos días pasados, preparamos na biblio varias zonas onde colocamos algunhas das lecturas que temos sobre temas relacionados co Samaín: monstros, bruxas, historias de misterio...
Estarán uns poucos días máis expostos, e logo volverán para os andeis deseosos que rebusquedes e os atopedes para levalos á casa e pasar un momento terroríficooooo!!

Samaín 2012 - foto montaje

DÍA BIBLIOTECAS

Hoxe, 24 outubro, celébrase o Día das Bibliotecas Escolares. Este é o cartel que edita a Consellería de Cultura, Educación e Ordenación Universitaria, para promocionar deste xeito estes espazos de recursos que inundan os nosos centros.

Este ano a ilustración correu a cargo do galego Andrés Meixide.

Nós, para festexalo, que mellor cousa que estar formando correctamente, durante estos días, aos nosos usuarios e facéndolle entrega ao novo alumnado de infantil e primaria o seu carnet de Abadiño.

AGORA SI, FORMACIÓN DE USUARIOS!!

Esta semana comezamos coas sesións por aula de formación de usuarios. Cada grupo está baixando co seu titor/a á biblioteca, e acompañados dun membro do equipo están facendo distintas actividades.
E o mellor de todo... a través da nova pizarra dixital, que dende hai uns días temos colocada xa na biblio.

Presentación customized with Smilebox

Qué contento está Abadiño!

AGRADECEMENTO DENDE O BUBISHER

Lembrades a nosa participación o curso pasado no Bubisher?, mirade a entrada que publicaramos daquela e facede memoria

Pois a "Asociación de Escritores por el Sahara-Bubisher" quixo agradecer a nosa participación coa entrega dun diploma no que se recoñece a nosa colaboración.

Moitas gracias de parte dos alumnos e alumnas do CEIP Lamas de Abade.

COMEZAN DE NOVO A RULAR AS MOCHILAS VIAXEIRAS

Hoxe, un curso máis, comezaron a viaxar polas casas as mochilas viaxeiras. Esta semana tocoulle o turno aos rapaces de Primaria e, moi prontiño, comezaran a viaxar as de Infantil.

Os colaboradores fixeron moi ben o seu traballo. Cargaron e cargaron ao lombo as mochilas e foron aula por aula repartindo lecturas.

Este ano fixemos algún que outro cambio no seu contido, seguindo como sempre as vosas suxestións. Así que... a disfrutar delas!!



gif online animator

BENVID@S!!

Ola amiguiños!! Benvid@s a un novo curso escolar. Como vedes tiven que facer uns pequenos cambios no blog. Estaba tan cheiño de información que case se volve un pouco tolo jeje.
Agora empezaremos con novas cousas para este curso e sempre que queirades lembrar algo dos anos anteriores, só tedes que facer clic na pestaña onde pon "O Recuncho de Abadiño 2".


Pois veña, imos aló... xa sabedes que esta semana comezamos cos empréstitos e como tódolos anos precisamos da colaboración dos maiores para poder facer estas labores na hora do recreo. Este ano todos eles recibirán un tríptico onde aparecen recollidos os seus dereitos e deberes, para que non teñan ningunha dúbida, nin eles nin todos vós.